health and love -សុខភាព និង ស្នេហា

01 March 2010

ត្រូវថែរក្សាស្នេហាយ៉ាងដូចម្តេច?

តើអ្នកកំពុងមានសម្ព័ន្ធភាពស្នេហា ដែលគូរស្នេហ៍របស់អ្នកមិនបាននៅជិតគ្នារឺទេ? តើអ្នកត្រូវធ្វើយ៉ាងដូចម្ដេចខ្លះដើម្បីថែរក្សាស្នេហា នេះអោយយូរអង្វែង? ការថែរក្សាស្នេហាអោយបានយូរអង្វែង ពេលដែលគូរស្នេហ៍របស់អ្នកឃ្លាតទៅឆ្ងាយជាការលំបាកនិងតំរូវអោយគូស្នេហ៍ ទាំងពីរមានការព្យាយាម និងរក្សានូវភាពស្មោះត្រង់ មនុស្សជាច្រើនតែងសួរខ្លួនឯងថាតើធ្វើដូចម្ដេចដើម្បីរក្សាស្នេហាអោយ បានយូរអង្វែង ប្រសិនបើមនុស្សដែលយើងស្រលាញ់ពុំបាននៅជាមួយនោះ? តើការរង់ចាំនិងការតសូចំពោះស្នេហានេះអាចមានលទ្ធផលល្អដែររឺទេ?

វាលំបាកណាស់ក្នុងការថែរក្សាសេចក្ដីស្នេហាមួយអោយមានភាពកក់ក្ដៅ។ សូមចងចាំថាពេលវេលាកន្លងដែលអ្នកបានកសាងឡើងជាមួយគូរស្នេហ៏ ជាពន្លកមួយនៃការថែរក្សាចំណងស្នេហ៍អោយមានភាពស្រស់បំព្រងបាន។ Dr. Loveសូមណែនាំវិធីមួយចំនួនដើម្បីថែរក្សាស្នេហារបស់អ្នកអោយយូរអង្វែង ទោះជាអ្នកទាំងពីរពុំបាននៅជិតគ្នាដូចគ្រាមុនក៏ដោយ។

ធ្វើការកំណត់សម្ព័ន្ធភាពរបស់អ្នក៖ ជំហ៊ានដំបូងដែលអ្នកត្រូវធ្វើនោះគឺៈយល់ព្រមទទួលថា តើទំនាក់ទំនងរបស់អ្នកអាចបន្ដទៅទៀតក្នុងសម្ព័ន្ធភាពដូចម្ដេច? តើអ្នកនឹងបន្ដសម្ព័ន្ធភាពនេះក្នុងលក្ខណៈជាមិត្ដ ឬក៏ជាភាពស្និទ្ធស្នាលមួយដែលស្ថិតក្នុងលក្ខណៈស្នេហា? ឬគ្រាន់តែជាការសប្បាយតាមបែបមានទំនាក់ទំនងផ្លូវភេទជាមួយគ្នា ហើយមិនគិតពីការរៀបចំគ្រួសារសំរាប់អនាគត?ការកំណត់សម្ព័ន្ធភាពមាន ប្រយោជន៍ណាស់ ពីព្រោះពេលមានបញ្ហាលំបាកកើតឡើងវាអាចជួយអ្នកទាំងពីរស្គាល់ព្រំដែន នៃទំនាក់ ទំនងនេះ ហើយវាអាចធ្វើអោយអ្នកជៀសវាងនិងដោះស្រាយនូវបញ្ហាមួយចំនួនពេលអ្នក ទាំងពីរ ស្គាល់ពីទំនាក់ទំនងរវាងគ្នាកាន់តែច្បាស់លាស់នោះ។
ផ្ដល់ភាពស្មោះត្រង់អោយគ្នាទៅវិញទៅមក៖ ភាពស្មោះត្រង់មានសារៈសំខាន់ណាស់ចំពោះទំនាក់ទំនងមិត្ដភាព និងស្នេហា។ មនុស្សមួយចំនួនគិតថាៈដៃគូរបស់គាត់លែងស្មោះត្រង់នឹងគាត់ទៀតហើយ នៅពេលគាត់ ទូរសព្ទ័ទៅគូស្នេហ៍ហើយគាត់មិនបានទទួលការឆ្លើយតបវិញនោះ។ នេះគឺជាកំហុសមួយដែលងាយនឹងធ្វើអោយអ្នកបាត់បង់ការទុកចិត្ដចំពោះគូស្នេហ៍ និងអាចបណ្ដាលអោយជល្លោះកើតមាន។ ដើម្បីរក្សាស្នេហានេះអ្នកត្រូវមានភាពស្មោះត្រង់ និងពិភាក្សាគ្នាដើម្បីស្វែងរកដំណោះស្រាយដោយពុំមានការលាក់លៀមប្រសិន បើមានបញ្ហាមិនចុះសំរុងគ្នាកើតឡើង ឧទាហរណ៍អ្នកត្រូវពិភាក្សាដោយបើកចំហរអំពីរការរួមភេទជាមួយដៃគូរ ដើម្បីទទួលបាននូវសេចក្ដីសុខទាំងសងខាង។ ត្រូវធ្វើកាពិភាក្សា ស្វែងរកដំណោះស្រាយមុនពេលបញ្ហាត្រូវបញ្ចប់ដោយមិនដោះស្រាយ។ ជាទូទៅការពិភាក្សាត្រូវធ្វើឡើងដោយភាពស្មោះត្រង់គឺជាដំណោះស្រាយ យ៉ាងប្រសើរ។
ភាពអំណត់ធន់៖ ភាពអត់ធន់មិនមែនមានតែបុរសនោះទេ នារីចាំបាច់ត្រូវតែមានដូចគ្នាដែរ ពីព្រោះពេលគូស្នេហ៍របស់អ្នកពុំបាននៅជិតអ្នកនោះអ្នកចំ បាច់ត្រូវមានភាពអំណត់។ មនុស្សមួយចំនួនធុញនឹងការអត់ធន់ដែលគាត់បានចំណាយពេលយ៉ាងច្រើនចំពោះសេចក្ដី ស្នេហារបស់គាត់ ហើយចោទសំនួរឡើងថាៈតើគាត់ត្រូវធ្វើដូច ម្ដេចដើម្បីថែរក្សាការអត់ធន់អោយទទួលបានលទ្ឋផលដ៏ល្អប្រសើរ?ក្នុងករណីនេះ អ្នកអាចស្វែងរកការងារមួយចំនួនធ្វើដើម្បីកំដរអារម្មណ៍។ ការធ្វើខ្លួនអោយរវល់នឹងការងារអាចជួយអោយអ្នកគិតថា ពេលវេលាដែលអ្នករងចាំនោះមិនមានរយៈពេលយូរឡើយ។ ពិសេសជាងនេះវាអាចធ្វើអោយអ្នករីករាយក្នុងការចាំដោយមិនធុញទ្រាន់ និងកាត់បន្ថយការនឹករលឹកដល់ដៃគូស្នេហារបស់អ្នកបាន។
ផ្ដល់ការលើកទឹកចិត្ដគ្នាទៅវិញទៅមក៖ការលើកទឹកចិត្ដ មានប្រយោជន៍ណាស់សំរាប់ថែរក្សាសម្ព័ន្ធភាពស្នេហាអោយបានយូរអង្វែង។ ប្រសិនបើគូស្នេហ៍របស់អ្នកនៅ ឆ្ងាយពីអ្នក អ្នកគួរមានា់កសួរពីការរស់នៅរបស់គាត់ក្នុងបរិយាកាសថ្មីនោះ ដោយផ្ដើមសួសំនួរមួយចំនួនដូចជា តើការងារ និងការសិក្សារបស់គាត់មានដំណើរការយ៉ាងដូចម្ដេចដែរ? ជួបការលំបាកអ្វីខ្លះ? មានភាពងាយស្រួលអ្វីខ្លះ?សំនួរទាំងនេះនឹងអាចជួយលើកទឹកចិត្ដគាត់ ហើយអាចអាយគាត់ក្លាយជាមនុស្សដែលពោពេញទៅដោយការតសូ និងមានកំលាំងចិត្ដបំពេញការងារនិងការរៀនសូត្រ ។ ទោះបីជាការលើកទឹកចិត្ដនេះធ្វើឡើងតាមរយៈទូរស័ព្ទ រឺសំបុត្រក៏ដោយ តែវាមានតំលៃមិនអាចគណនាបានពេលគូស្នេហ៍របស់អ្នកបាត់បង់កំលាំងចិត្ដ ដើម្បីប្រឈមមុខនឹងស្ថានភាពណាមួយ។ គាត់អាចនឹងបង្កើ់តអាម្មណ៍រីករាយនិងសប្បាយឡើងវិញបានក្រោយពីបានទទួល ការលើកទឹកចិត្ដអំពីមនុស្សដែលគាត់ស្រលាញ់នោះ។

ជួយអ្នកជាទីស្រលាញ់ក្នុងការផ្តាច់បារី

នៅពេលដែលសមាជិកណាម្នាក់មានបំណងចង់ផ្តាច់បារី គឺជាសញ្ញាវិជ្ជមានមួយដ៏ល្អ សំរាប់ក្រុមគ្រួសារ ឬសហគមន៍របស់អ្នក។ អ្នកផ្តាច់បារីត្រូវការការជួយជ្រោមជ្រែងយ៉ាងខ្លាំងក្លា ពីសំណាក់មិត្តភ័ក្ត្រ និងគ្រួសារក្នុងតំណាក់កាលនៃការផ្តាច់បារីនេះ។ ដូចនេះ សូមអ្នកសូមកុំនូវរារែក ក្រោកឈរឡើង ហើយនិយាយទៅកាន់គាត់វិញថា “អ្នករីករាយនឹងជួយគាត់ ។
ខាងក្រោមនេះគឺជាគន្លឹះខ្លះៗដែលអ្នកអាចចូលរួមក្នុងសកម្មភាពបញ្ឈប់ការជក់បារីរបស់គាត់៖

រក្សាអនាម័យ ៖ ថែរក្សាទីកន្លែងដែលគាត់រស់នៅអោយមានអនាម័យជានិច្ច ដើម្បីកុំអោយមានក្លិនបារី និងព្យាយាមអោយគាត់ស្ថិតឲ្យឆ្ងាយពីកន្លែងដែលមានក្លិន និងផែ្សងបារី។
ស្វែងយល់ពីទំលាប់របស់គាត់៖ អ្នកជក់បារីភាគច្រើន តែងមានទំលាប់ផ្ទាល់ខ្លួនរបស់គាត់ ក្នុងការជក់បារី ឧទាហរណ៍ គាត់តែងពិសារបារីក្រោយពីទទួលទានអាហាររួច ពេលដែលកំពុងគិតរឿងស្មុគស្មាញ ពេលអស់កំលាំង ឬក៏ពេលទទួលទានសូរា ជាដើម ។ល។ សូមស្វែងយល់អំពីទំលាប់ និងពេលវេលាដែលគាត់ប្រើសំរាប់ការជក់បារី ដើម្បីខ្លួនអ្នកអាចរៀបចំគំរោង និងពេលវេលារបស់អ្នកបានត្រឹមត្រូវ និងស្ថិតនៅជាមួយគាត់ក្នុងកាលទសៈនោះ។
បង្វែទំលាប់ជក់បារីរបស់គាត់៖ ត្រៀមលក្ខណៈដើម្បីបំវែទំលាប់ជក់បារីរបស់គាត់ អោយងាក់ទៅអនុវត្តនូវសកម្មភាពផ្សេងៗជំនួសវិញ ឧទាហរណ៍៖ ដើរលេងកំសាន្ត និយាយរឿងកំប្លែង ទទួលទានផ្លែឈើឬគ្រាប់ធញ្ញជាតិ …។ល។ ដើម្បីជំនួសការជក់បារីវិញ។
យោគយល់ចំពោះអារម្មណ៍ឆេវឆាវរបស់គាត់៖ ការផ្តាច់បារីគឺជាបញ្ហាមួយដែលលំបាកសំរាប់អ្នកញៀនបារី ដូចនេះអារម្មណ៍នៃការធន់ថប់ ឆេវឆាវ ក្រេវក្រោធ អាចនឹងកើតមានឡើងនៅក្នុងកំឡុងពេលផ្តាប់បារីនេះ។ សង្ឃឹមថាអ្នកនឹងយោគយល់អត់អោន ចំពោះទង្វើរបស់គាត់ ។
លើកទឹកចិត្ត៖ ការផ្តល់រង្វាន់លើកទឹកចិត្តគឺជាប្រការមិនអាចខ្វះបាន ដើម្បីជាកត្តាជំរុញអោយគាត់ ខំប្រឹងប្រែងផ្តាច់បារីរហូតដល់ទទួលបានជោគជ័យ។
កុំលេងសើច ៖ ការយកបារីមកលលេង ឬការអុចបារីនៅចំពោះមុខអ្នកកំពុងផ្តាច់បារី មិនមែនជាទង្វើត្រឹមត្រូវឡើយ ពីព្រោះវាអាចជំរុញអោយគាត់វិលទៅរកសភាពដើមវិញ។ ដូចនេះសូមអ្នកជៀសវាងអោយបាននូវទង្វើទាំងនេះ។
ប្រសិនបើអ្នកជាអតីតអ្នកជក់បារីដែរនោះ សូមផ្តល់ជាគំនិតយោបល់ល្អដែលធ្លាប់ជួយឲ្យអ្នក ផ្តាច់បារីបានប្រាប់ទៅគាត់ និងនិយាយពីភាពវិជ្ជមាន ដែលអ្នកទទួលបានបន្ទាប់ពីអ្នកបានផ្តាច់វាហើយនោះ។
សាកល្បងម្តងទៀត ៖ ប្រសិនជាការព្យាយាមរបស់គាត់ក្នុងការផ្តាច់បារីទទួលបរាជ័យ សូមកុំស្តីបន្ទោសឲ្យគាត់ ត្រូវលើកទឹកចិត្តដើម្បីអោយគាត់ហ៊ានសាកល្បងម្តងទៀត។

សង្ឈឹមថាអ្នកអាចជួយគាត់ឆ្លងផុតក្នុងដំណាក់នេះ ដើម្បីក្រុមគ្រួសារ និងសហគមន៍ គ្មានផ្សែងបារី។

វិធីព្យាបាលការប្រេះកែងជើង

នៅក្នុងកំឡុងរដូវរងា ស្បែកនៃកែងជើងរបស់អ្នកមានសភាពស្ងួត គ្រើម និងប្រេះបែកក្រហែង ។ មានពេលខ្លះ វាអាចបង្ករឲ្យអ្នកមានការឈឺចាប់ ដែលបះពាល់ទៅដល់ការធ្វើដំណើររបស់អ្នកថែមទៀតផង។ ក៏ប៉ុន្តែការប្រេះកែងជើងមិនមែនជាអាការៈមិនអាចព្យាបាលបាននោះឡើយ។ អ្នកគ្រាន់តែអ្នកអនុវត្តតាមវិធីងាយៗមួយចំនួនដូចខាងក្រោម ដើម្បីជៀសវាងពីផលរំខានទាំងនោះ ៖

ជំរុះចោលស្បែកក្រិន និងបែកប្រេះ ៖
ការជំរុះចោលស្បែកក្រិន និងបែកប្រេះ គឺជាជំហានដំបូងក្នុងការព្យាបាលអាការៈ ប្រេះកែងជើង ។ មានផលិតមួយចំនួនដែលអ្នកអាចរកទិញបាននូវតាមទីផ្សារ ក៏ប៉ុន្តែអ្នកក៏អាចប្រើប្រាស់វត្តុធាតុដើមមួយចំនួនដែលមានស្រាប់ក្នុងផ្ទះបានដែរ។ ស្ករ ឬក៏អំបិលគឺជាវត្ថុធាតុដើមមូលដ្ឋានដែលអាចជួយអ្នកជំរុះចោលកោសិកាចាស់ៗដែលក្រិនរឹង និងប្រេះបែកនៅត្រង់កែងជើងរបស់អ្នក។ សូមលាបវាលើកែងជើងហើយទុកមួយសន្ទុះ បន្ទាប់មកដុះលាងវាដោយប្រើប្រាស់ច្រាសដុះជើង ជាមួយនឹងទឹកក្តៅឧនៗ។ ប្រសិនបើកែងជើងរបស់អ្នកប្រេះខ្លាំងរហូតដល់មានឈាមផងនោះ សូមប្រើប្រាស់ឧបករណ៍សំរាប់ដុះក្អែលជំនួសវិញ ដោយដុះស្រាលៗ នឹងលាងចេញជាមួយទឹកក្តៅឧនៗ។
ផ្តល់សំណើមដល់កែងជើងរបស់អ្នក៖
បន្ទាប់ពីជំរុះចោលកោសិកាក្រិន ឬបែកប្រេះចោលអស់ហើយ សូមប្រើឡូសិន(lotion)ដែលប្រើប្រាស់សំរាប់លាប់លើកែងជើង ដើម្បីផ្តល់សំណើមដល់កោសិការថ្មីនែកែងជើងរបស់អ្នក។ បន្ទាប់មកប្រើប្រាស់ស្រោមជើងស្ងួតពាក់ពីលើ។ នៅពេលដែលអ្នកឃើញថា ឡូសិនបានជ្រាបចូលក្នុងស្បែកនៃកែងជើងអ្នកអស់ហើយនោះ អ្នកអាចដោះស្រោមជើងចេញបាន។ ពេលវេលាដ៏ល្អបំផុតក្នុងការលាបឡូសិនគឺនៅពេលយប់មុនចូលគេង ពីព្រោះវាជាពេលដែលជើងមិនធ្វើដំណើរច្រើន និងមិនប៉ះពាល់ដល់ការថែរក្សាដល់កែងជើង។
ការពារការប្រេះកែងជើងសារជាថ្មី៖
ដើម្បីជៀសវាងការប្រេះកែងជើងសារជាថ្មី សូមលាបឡូសិនអោយបានយ៉ាងហ៊ោចណាស់២ដងក្នុងមួយថ្ងៃ។ និងឧស្សាហ៍ពិនិត្យស្បែកជុំវិញកែងជើងរបស់អ្នក និងដុះខាតវាចេញនៅពេលដែលអ្នកឃើញ វាមានសភាពក្រាស។ ព្រោះថា ស្បែកដែលក្រាស ឬក្រិន គឺពិបាកអោយឡូសិនជ្រាបចូលក្នុងស្បែកណាស់។

26 January 2010

កាដូរពិសេសសំរាប់បុណ្យនៃសេចក្តីស្រលាញ់

ដែលរំលឹកពីសេក្តីស្រលាញ់រវាង ក្រុមគ្រួសារ មិត្តភក្តិ និងគូសង្សារ។ ការជូនការដូរដល់អ្នកដែលស្រលាញ់
គឹជាការបង្ហាញអោយពួកគាត់ដឹងពីអារម្មណ៏ និងសម្ព័នភាពមួយយ៉ាងជិតស្និតដែលមិនអាចបំភ្លេចបាន។ ភួយ ខ្នើយ រូបភាព រឺវត្ថុផ្សេងៗដែលមានភ្ផាប់ដោយរួបភាពបេះដូង កំណាព្យស្នេហា ស្ករគ្រាប់ ប័ណ្ណជូនពរ និងផ្កា ជាកាដូរដែលអាចប្រើសំរាប់ថ្ងៃដ៏ពិសេសនេះ។
ផ្កាកូលាបក៏ជាកាដូរមួយដែលប្រជាជនកម្ពុជានិយមជាងគេ ក្នុងការបង្ហាញពីទឹកចិត្តដ៏ស្មោះរបស់ពួកគេ។ ការជ្រើសរើសពណ៌របស់ផ្កាអាចបង្ហាញពីការយកចិត្តទុកដាក់ដល់មនុស្សដែលអ្នកស្រឡាញ់។
ខាងក្រោមនេះជាអត្ថន័យពណ៌ផ្កាកូលាបធ្វើអោយអ្នកសំរេចចិត្តជ្រើសរើសអោយមនុស្សដែលអ្នកស្រឡាញ់។
អត្ថន័យនៃពណ៌របស់ផ្កា
ជាពណ៌បង្ហាញថា ម្ចាស់ដែលកំពុងអោយផ្កាកូលាបនេះដល់អ្នក កំពុងតែធ្លាក់ក្នុងអន្លងស្នេហ៏របស់អ្នក ចាប់តាំងពីពេលដែលគេជួបអ្នកជាលើកដំបូង។

HTML clipboard តំណាងអោយ និរន្តរភាព ភាពជាអមតៈ និងភាពរឹងមាំ។

HTML clipboardតំណាងអោយសេក្តីស្រឡាញ់ក៏កក់ក្តៅចំពោះមិត្តជាទីស្រឡាញ់ និងចំពោះមនុស្សដែលអ្នកស្រឡាញ់ជាងគេ។

HTML clipboardបង្ហាញពីទំនាក់ទំនងមិត្តភាព និងសុភមង្គល។ វាជាពណ៌មួយដែលគេធ្វើការជ្រើសរើសសំរាប់ផ្តល់អោយដល់មិត្តភក្តិ មិត្តភក្តិរួមការងារ និង ចំពោះគ្រួសារផងដែរ។

HTML clipboard ជាពណ៌តំណាងអោយទំនាក់ទំនងមួយដែលមានសុភមង្គល និងពេញទៅដោយសេចក្កីស្រឡាញ់។

តំណាងអោយ ភាពរីករាយពេញចិត្តចំពោះជ័យជំនះដែលទទួលបាន និង បង្ហាញពីសេចក្តីស្រលាញ់មួយយ៉ាងពេញចិត្ត។

HTML clipboard ជាពណ៌តំណាងអោយភាពបរិសុទ្ឋ សេចក្កីគោរព ភាពសុភាពរាបសារ។

ប្រវត្តិថ្ងៃបុណ្យនៃសេចក្តីស្រលាញ់

ថ្ងៃបុណ្យនៃសេចក្តីស្រលាញ់ ឬយុវវ័យមួយចំនួនហៅថា ថ្ងៃបុណ្យសង្សារ ជាថ្ងៃដែលធ្វើឡើងដើម្បីរំលឹកដល់សេចក្តីស្រលាញ់។ បច្ចុប្បន្ននេះ ប្រជាជននៅក្នុងប្រទេសកម្ពុជា ជាពិសេសនៅក្នុងស្រទាប់យុវវ័យ មានចំណាប់អារម្មណ៍យ៉ាងខ្លាំង ទៅលើពីធីបុណ្យនេះ។ ពិធីនេះ ត្រូវបានគេប្រារព្ឋឡើង នៅក្នុងថ្ងៃទី ១៤ ខែកុម្ភះរៀងរាល់ឆ្នាំ។
វាមិនមែនគ្រាន់តែជាថ្ងៃសំរាប់តែយុវវ័យនោះទេ ប៉ុន្តែមនុស្សគ្រប់វ័យក៏អាចចូលរួមបង្ហាញសេចក្តីស្រលាញ់របស់គេផងដែរ។ បុណ្យនៃសេចក្តីស្រលាញ់មានដើមកំណើតពីប្រទេសរ៉ូម៉ាំង ហើយមានការពិណនាផ្សេងៗគ្នា ចំពោះប្រវត្តិនៃបុណ្យនេះ។
ខាងក្រោមនេះជាប្រវត្តិខ្លះៗទាក់ទងនឹងការប្រារព្ឋពិធីបុណ្យសង្សារ៖
Saint Valentine ជាឈ្មោះបុព្វជិកដែលមានកំណើតនៅក្នុងប្រទេសរ៉ូម នៅក្នុងរាជកាលអធិរាជClaudius II។ នៅក្នុងប្រវត្តិជនជាតិរ៉ូម៉ាំង ថ្ងៃទី១៤កុម្ភះ គឺជាថ្ងៃឈប់សំរាកសំរាប់គោរពដល់ព្រះមហាក្សត្រត្រិយានីរបស់ប្រទេសនេះ។ ប្រជាជនរ៉ូមម៉ាំង បានចាត់ទុកព្រះរាជានីថា ជាព្រះជាម្ចាស់តំណាំង អោយនារីទាំងអស់នៅក្នុងប្រទេសនិងជាព្រះជាម្ចាស់នៃអាពាពិពាហ៏ដ៏ស្រស់បំព្រងមួយ។ ពីធីនេះត្រូវបានគេធ្វើភ្ជាប់ជាមួយបុណ្យ Lupercalia ជាបុណ្យធ្វើឡើងសំរាប់បណ្តេញឆ្កែចចកដែលតែងតែមកបំផ្លាញដំណាំនៅតាមឈូងសមុទ្រ និងជាពីធិមួយដែលប្រជាជនធ្វើឡើងសំរាប់សុំអោយដំណាំរបស់គេកាន់តែទទួលបានផលច្រើនជាងឆ្នាំចាស់។
សម័យកាលនោះ ការរស់នៅរបស់កំលោះ និង នារីក្រមុំ ត្រូវបានគេចែកអោយនៅដាច់ពីគ្នានិងតឹងរឹងបំផុត។ ប៉ុន្តែក្នុងថ្ងៃបុណ្យ Lupercalia កំលោះនិងក្រមុំត្រូវបានគេអនុញ្ញាតិអោយជួបគ្នា។ ស្រីក្រមុំជនជាតិរ៉ូម៉ាំងទាំងអស់ត្រូវសរសេរឈ្មោះរបស់ពួកគេដាក់ក្នុងដប និងបណ្តែតតាមទឹក ហើយកំលោះៗជាអ្នកចាំទទួលដបទាំងនោះ។ អ្នកដែលទទួលបានដបទាំងនោះនឹងត្រូវគូររួបនារីដែលមានឈ្មោះក្នុងដប។ ជាទូទៅពួកគេបានក្លាយជាគូរស្នេហ៍នឹងគ្នាហើយអាចរៀបអាពាហ៍ពិពាហ៍ជាមួយគ្នាបាន។
នៅក្នុងសម័យកាលរជ្ជកាលអធិរាជ claudius II ដែលត្រូវបានគេទទួលស្គាល់ថាជាសម័យបង្ហូរឈាម។ ដោយសារមានការលំបាកក្នុងការបញ្ចុះបញ្ចូលអោយប្រជាជន ពិសេសយុវជនចូលរួមធ្វើជាកងទ័ព ព្រះរាជារូបនេះយល់ឃើញថាមូលហេតុដែលធ្វើអោយបុរសៗមិនព្រមធ្វើជាកងទ័ពពីព្រោះតែពួកគេមិនចង់ចាកចេញពីគ្រួសារ និងមនុស្សដែលគេស្រលាញ់។ ខណៈពេលនោះព្រះរាជាបានហាមឃាត់មិនអោយមានការរៀបអាពាហ៍ពិពាហ៍និងការភ្ជាប់ពាក្យរវាងកំលោះ និងក្រមុំជនជាតិរ៉ូម៉ាំងទាំងនោះ។ ប្រជាជនមួយចំនួនធំមិនគាំទ្រចំពោះច្បាប់ដែលអធិរាជរូបនេះបានកំណត់ឡើយ។ ដោយសារតែដូចនេះហើយទើបលោកValentine បានលួចរៀបអាពាហ៍ពិពាហ៍អោយគូរសង្សារមួយចំនួនដោយសំងាត់។ មិនយូរប៉ុន្មានសកម្មភាពនេះត្រូវបានគេដឹង។ ស្តេចCludius បានចេញបទបញ្ជាអោយប្រហារជីវិតលោកValentine ដោយកាត់យករបះដូងរបស់គាត់នាថ្ងៃទី១៤ខែកុម្ភះឆ្នាំ២៧០ ដោយចោទពីបទគាំទ្រសាសនាគ្រឹស្តប្រឆាំងនឹងវប្បធម’របស់ប្រទេស។
ក្នុងអំឡុងពេលឃុំឃាំង លោកValentineបានលួចស្រលាញ់កូនស្រីអ្នកយាមគុកម្នាក់ ដែលតែងតែមកសួរសុខទុក្ខលោកនៅក្នុងមន្ទីឃុំឃាំង។ មុនពេលកាត់ទោសប្រហារជិវិត លោកValentineបានសរសេរសំបុត្រមួយច្បាប់ផ្ញើទៅនារីដែលគាត់ស្រលាញ់។ ចុងបញ្ចប់នៃសំបុត្ររបស់គាត់បានសរសេរថា From Your Valentine ពាក្យនេះត្រូវបានគេប្រើប្រាស់រហូតមកដល់សព្វថ្ងៃនេះ។ បន្ទាប់ពិថ្ងៃដែលលោកValentineត្រូវបានគេប្រហាជីវិតពិធី បុណ្យ Lupercaliaក៏បានមកដល់។
ក្នុងពិធីនោះ មនុស្សដែលមិនជឿសាសនាគ្រឹស្គមួយចំនួនធំបានចូលរួម។ ដោយចង់អោយប្រជាជនរ៉ូម៉ាំងមានជំនឿលើសាសនាគ្រឹស្គកាន់តែខ្លាំងនោះ អភិបាលរបស់វិហារសាសនាគ្រឹស្ត បានដាក់បញ្ចូលឈ្មោះលោកValentinesក្នុងដបបណ្តែតតាមទឹក ជាមួយនឹងឈ្មោះរបស់ស្រីក្រមុំជាច្រើនទៀត។ ឈ្មោះលោកValentines ត្រូវបានគេប្រទេះឃើញនៅក្នុងពិធីនោះចាប់តាំងពីពេលនោះមក ហើយអភិបាលគ្រប់គ្រងពិធីបុណ្យនេះ ក៏សំរេចចិត្តប្តូរឈ្មោះបុណ្យ ឡុផរេចាលិាទៅជាបុណ្យ Saint Valentine's Day ហើយធ្វើឡើងនៅក្នុងថ្ងៃទី១៤ ដើម្បីធ្វើការរំលឹកដល់លោកValentine ដែលបានរៀបចំអាពាហ៏ពិពាហ៏ដល់គូស្នេហ៏ដែលស្រលាញ់គ្នា។ ជាមួយគេនេះផងដែរ ការប្តូរឈ្មោះបុណ្យនេះក៏ជាការបង្ហាញថា ការជ្រើសរើសស្រីក្រមុំអោយដល់កំលោះជនជាតិរ៉ូម៉ាំងធ្វើឡើងដោយលោកValentine ដែលជាព្រះនៃសេចក្តីស្រលាញ់។ ចាប់ពីថ្ងៃនោះមក ១៤កុម្ភះត្រូវបានគេប្រារព្វឡើងជាថ្ងៃបុណ្យនៃសេចក្តីស្រលាញ់ ឬមិត្តយុវវ័យមួយចំនួន ហៅថា ថ្ងៃបុណ្យសង្សារ។

13 January 2010

ដំបូន្មានក្នុងការថែរក្សាសម្រស់អោយក្មេងជាងវ័យ

ចាប់ពីអាយុ៣០ឆ្នាំឡើងទៅ សម្រស់មនុស្សយើងមានការប្រែប្រួលគួរអោយកត់សំគាល់។ ស្បែកចាប់ផ្តើម ខូចខាត ជ្រាវជ្រួញុ និង ឡើងស្រអាប់។ រាងកាយចាប់ផ្តើមទ្រុឌទ្រោម អស់កំលាំងជាដើម។ ផលិតផលមួយចំនួនអាចជួយបិទបាំងនូវគុណវិបិត្តទាំងនោះ ប៉ុន្តែការប្រើប្រាស់ផលិតផលតែមួយមុខ គឺមិនទាន់គ្រប់គ្រាន់ ដើម្បីថែរក្សាសម្រស់របស់អ្នកអោយមើលទៅនៅក្មេងនោះឡើយ គឺទាមទារអោយលោកអ្នក អនុវត្តន៍នូវសកម្មភាពមួយចំនួនបន្ថែមទៀត ដើម្បីអោយកាន់តែមានប្រសិទ្ធភាពខ្ពស់។ ខាងក្រោមនេះគឺជាគន្លឹះមានប្រយោជន៍មួយចំនួនដែលណែនាំដោយអ្នកឯកទេសរបស់យើងៈ

ការពារផ្ទៃមុខរបស់អ្នកពីមជ្ឈដ្ឋានអាក្រក់ជុំវិញ៖ សូមប្រើប្រាស់ក្រែមការពារកំដៅដែលមានSPF (Sun Protecting Factorខ្ពស់ចាប់ពី+៣០ឡើងទៅ រៀងរាល់ព្រឹកជាប្រចាំ និង ទទួលទានវិតាមិនសេ(Vitamin C) ដើម្បីទប់ស្កាត់ការបាត់បង ជាតិប្រូតេអ៊ីននៅក្នុងខ្លួន ព្រមទាំងប្រើប្រាស់ក្រែមដែលមានវិតាមីនអា(Vitamin A) នៅរៀងរាល់យប់ ដើម្បីបំប៉នកោសិកាស្បែកអោយលូតលាស់បានល្អ។
ជួយថែរក្សាស្បែកអោយស្រស់ថ្លា៖ មនុស្សម្នាក់ៗសុទ្ធតែត្រូវការភាពស្រស់ស្អាតនៃស្បែក ផ្លែឈើមានផ្ទុកទៅដោយសារៈចិញ្ចឹម និងវីតាមិនជាច្រើនដែលមានប្រយោជន៍ដល់ស្បែករបស់អ្នក។
ទប់ស្កាត់ការចុះថយនៃកំលាំងពលំ៖ អាហារដែលមានជាតិ ទីកដោះគោ សណ្តែក សាច់ ស៊ុត និងគ្រឿងសមុទ្រ គឺជាអ្នកជំនាញការដ៏ល្អក្នុងការដោះស្រាយបញ្ហានេះ ក៏ប៉ុន្តែប្រសិនបើអ្នកបរិភោគវាបានតិច អ្នកត្រូវគឹតគូររកវិធីផ្សេង ដើម្បីជួយុបំពេញនូវកង្វះខាតនេះហើយ។ សូមអ្នកទទួលទាននូវ វិតាមីនបេកុំផ្លិច(B-Complex) ដែលមានផ្ទុកដោយវីតាមីនបេឌូ(Vitamin B12) ដែលជំនួយទៅដល់ខួរក្បាលផងដែរ។
ទទួលទានដំណេកអោយបានគ្រាប់គ្រាន់៖ អាការៈមួយចំនួន ដូចជាៈ ភាពស្លេកស្លាំង ភាពភ្លេចភ្លាំងច្រើន សំពាធឈាមឡើងខ្ពស់ និងការចុះខ្សោយនៃប្រព័ន្ធការពាររាងកាយ គឺសុទ្ធតែអាចបណ្តាលមកពីការទទួលទានដំណេក មិនបានគ្រប់គ្រាន់។ សូមទទួលទានដំណេកអោយបានយ៉ាងហោចណាស់៨ម៉ោងក្នុង១ថ្ងៃទើបជាការល្អ។
ទប់ស្កាត់ការកកើតជាតិខ្លាញ់ច្រើនហួសកំនត់៖ វីធីដែលល្អបំផុតសម្រាប់ទប់ស្កាត់ការកកើតជាតិខ្លាំញច្រើន គឺការធ្វើលំហាត់ប្រាណនេះឯង។ សូមចំណាយពេលហាត់ប្រាណអោយបានយ៉ាងតិច២០នាទីក្នុង១ថ្ងៃ ជារៀងរាល់ថ្ងៃ ឬយ៉ាងតិច៣ថ្ងៃក្នុង១សប្តាហ៍។ -ជំរុះចោលភាពស្មុគស្មាញៈ សំរាកលំហែកាយ ជាមួយក្រុមគ្រួសារ និង មិត្តភ័ក្ត នៅថ្ងៃឈប់សំរាកពីការងារ នឹងធ្វើកិច្ចការដ៏ទៃទៀត ដែលក្រៅពីការងារប្រចាំថ្ងៃរបស់អ្នក ដើម្បីជម្រុះចោលនូវភាពសៅហ្មងទាំងឡាយ។
ការពារការធ្លាក់យានៃសុដន់៖ ចំពោះស្ត្រី សុដនក៏ជាផ្នែកមួយដែលមានសារៈសំខាន់ផងដែរ ដែលអាចបញ្ជាក់ពីវ័យរបស់នាង។ នៅពេលដែលកាលៈទេសៈមួយចំនួនចូលមកដល់ ដូចជាៈ ការមានផ្ទៃពោះ ការបំបៅដោះកូន និងការវិវត្តនៃទៅរកភាពចំណាស់ សុដននឹងមានសភាពទ្រុតទ្រោម ធ្ងាក់យាជាក់ជាមិនខាន។ សូមជ្រើសរើសអាវទ្រនាប់ដែលសមរម្យ កុំរិតតឹងខ្លាំង និងកុំរលង់ខ្លាំងពេក ដើម្បីបន្ថយការយោលយោគនៃសុដន់របស់អ្នក ពេលដែលអ្នកធ្វើចលនាខ្លាំងៗ ឬពេលលេងកីឡាជាដើម និងប្រើប្រាស់ផលិតផលដែលមានគុណភាពជាដើម។

ហេតុផល៨យ៉ាងក្នុងការទទួលទានផ្លែឈើ

នៅក្នុងចំណោមអាហារទាំងឡាយ ផ្លែឈើគឺជាអាហារដែលមិនអាចខ្វះបាន បន្ទាប់ពី សាច់ បន្លែ និង ទឹក។ ផ្លែឈើមិនត្រឹមតែផ្តល់នូវឱជារសឆ្ងាញ់ប៉ុណ្ណោះទេ ប៉ុន្តែវាថែមទាំងផ្តល់នូវគុណប្រយោជន៍យ៉ាងច្រើន ចំពោះសុខភាព។ ហេតុផលមួយចំនួនដែលអាចអោយលោកអ្នកពិចារណា និងទទួលទានផ្លែឈើ ៖

ផ្លែឈើគឺគ្មានជាតិកូលេស្ទេរ៉ូល(Cholesterol)១០០% ៖ ការទទួលទានអាហារដែលមានជាតិកូលេស្ទេរ៉ូល(ជាតិខ្លាញ់)ខ្ពស់ គឺអាចអោយលោកអ្នកធាត់ និងឡើងទម្ងន់ហួសកំរឹត និងមានជំងឺផ្សេងៗ ទៀតផង។ ជំរឹសដែលល្អបំផុតសំរាប់អ្នក ដើម្បីជំនួសកុំអោយការបរិភោគរបស់អស់ទាំងនោះច្រើនពេក គឺមានបន្លែ និង ផ្លែឈើនេះឯង។
ជួយថែរក្សាស្បែកអោយស្រស់ថ្លា៖ មនុស្សម្នាក់ៗសុទ្ធតែត្រូវការភាពស្រស់ស្អាតនៃស្បែក ផ្លែឈើមានផ្ទុកទៅដោយសារៈចិញ្ចឹម និងវីតាមិនជាច្រើនដែលមានប្រយោជន៍ដល់ស្បែករបស់អ្នក។
ជួយការពារជំងឺផ្សេងៗ ៖ នៅក្នុងផ្លែឈើ វាមិនត្រឹមតែមានផ្ទុកទៅដោយវីតាមិនដែលមានសារៈសំខាន់ៗ ចំពោះសុខភាពប៉ុណ្ណោះទេ ប៉ុន្តែវាក៏មានផ្ទុកនូវសារធាតុ ហ្វាយប័រ (Fiber)ដែលអាចជួយរេរាំង នូវការឡើងទំងន់ ការកើនឡើងនៃសំពាធឈាម និងកត្កាដែលជំរុញអោយកើតជំងឺបេះដូង។
ជំនួយដល់ការចងចាំ៖ អ្នកដឹងទេ! ផ្លែឈើគឺជាឱសថដែលផ្តល់ផលយ៉ាងវិជ្ជមាន ជួយដល់ការចងចាំ របស់អ្នក។ វាអាចជួយអោយអ្នកអាចហៅពត៌មានពីខួរក្បាលរបស់អ្នកយ៉ាងរហ័ស និងងាយស្រួលទៀតផង។
ជួយអ្នកអោយមានអារម្មណ៍ស្រស់ថ្លា ៖ ប្រសិនបើអ្នកមានអារម្មណ៍ធុញថប់ អស់កំលាំង ដោយសារតែសំពាធការងារច្រើន សូមចំណាយពេលពី១០ ទៅ១៥នាទីដើម្បីសំរាក ហើយទទួលទាន ផ្លែឈើស្រស់ៗមួយចំនួន។ វាពិតជាអាចជួយកាត់បន្ថយភាពតប់ប្រមល់របស់អ្នកជាក់ជាមិនខាន។
ផ្ទុកទៅដោយជាតិទឹក ៖ គឺប្រហាក់ប្រហែលទៅនឹងមនុស្សយើងដែរ នៅក្នុងផ្លែឈើគឺមានជាតិទឹកប្រហែល ៨០% នៃខ្លួនរបស់វា ដែលច្រើនជាងសាច់សត្វដែលមានតែ១៥% ប៉ុណ្ណោះ។ ជាតិទឹកដែលមាននៅក្នុងផ្លែឈើ គឺពិតជាល្អបរិសុទ្ធសំរាប់សុខភាពរបស់អ្នក។
មិនចាំបាច់សំលាប់ និងចំអិន៖ មិនដូចជាអាហារដទៃដែលត្រូវការសំលាប់ដើម្បីយកសាច់ មកទទួលទាននោះឡើយ យើងគ្រាន់តែបេះវាពីដើម លាងទឹកអោយស្អាត និងយកមកទទួលទាននោះគឺជាការស្រេច។
អាហារធម្មជាតិ ៖ ជាលក្ខណៈធម្មជាតិ ផ្លែឈើត្រូវបានបង្កើតឡើង សំរាប់អោយមនុស្ស និងសត្វបរិភោគ ហើយការបរិភោគនេះ នឹងជួយក្នុងការពង្រាយនូវគ្រាប់ពូជធុញ្ញជាតិទាំងនោះ អោយបានដុះលូតលាស់នៅ គ្រប់ទីកន្លែង

របៀបត្រៀមខ្លួនរបស់ស្ត្រីមុនពេលទៅជួបគ្រូពេទ្យ

នៅពេលដែលនិយាយទៅដល់ការទៅជួបគ្រូពេទ្យ ខាងផ្នែករោគស្ត្រី សុភានារីមួយចំនួននឹងគ្រវីក្បាល ហើយស្រែកប្រកែកថាមិនទៅទេ ខ្មាសពេទ្យណាស់! ខ្លាចណាស់!។ តាមពិតគ្មានអ្វីគួរ ឲ្យ ខ្មាសអៀនទេ ព្រោះការធ្វើបែបនេះ ដើម្បីតែសុខភាពលោកស្រីអ្នកនាងកញ្ញាតែប៉ុណ្ណោះ។ បើខ្លាចការឈីចាប់ ឬក៏មិនអាចទទួលយកលទ្ធផលនៃការពិនិត្យនោះបាន មិនថ្វីទេ សូមក្លាហានឡើង ហើយត្រៀមខ្លួនដើម្បីទៅឲ្យគ្រូពេទ្យពិនិត្យ។ ម្យ៉ាងទៀតគ្រូពេទ្យដែលពិនិត្យសុទ្ធតែមានសីលធម៌ និងវិជ្ជាជីវៈពិតប្រាកដគ្មានអ្វីគួរឲ្យបារម្ភទេ។

តើត្រូវទៅជួបគ្រូពេទ្យពេលណា?
មានមូលហេតុពីរដែលគួរទៅត្រួតពិនិត្យសុខភាពរបស់លោកស្រី អ្នកនាងកញ្ញា គឺការទៅត្រួតពិនិត្យភាពមិនប្រក្រតី និងការពីនិត្យរកមើលជម្ងឺមហារីក។ ចំពោះស្ត្រីដែលរៀបការហើយ គួរពិនិត្យរកមើលជម្ងឺមហារីកជារៀងរាល់ឆ្នាំ។ មានស្ត្រីមួយចំនួនគ្រូពេទ្យអាចធ្វើការណាត់ជួបក្នុងរយៈពេល ៣ ឬ៦ខែម្តង។ នៅមាត់ស្បួនអាចមានការរលាករ៉ាំរៃ ឬសង្ស័យថាមានកោសិការខុសប្រក្រតី កើតឡើង។ នៅពេលមានអាយុពី៤០ឆ្នាំទៅ៤៥ឆ្នាំ ស្ត្រីគប្បីទៅពិនិត្យរកជម្ងឺមហារីកមាត់ស្បូន ព្រោះជម្ងឺនេះអាចព្យាបាលជាសះស្បើយ នៅពេលណាដែលរកឃើញក្នុងដំណាក់កាលដំបូង។ ជាពិសេសនៅពេលដែលមានអាការដូចជាធ្លាក់សខ្លាំង មានក្លិនស្អុយ មានឈាមចេញខុសប្រក្រតី មានរដូវលើសពី៧ថ្ងៃ ឬមានរបួសនៅអវយវៈភេទជាដើម ស្ត្រីទៅរកគ្រូពេទ្យ។

ការត្រៀមលក្ខណៈមុនពេលជួបគ្រូពេទ្យ
ជាធម្មតា នរណាក៏ដូចនរណាដែរ តែងតើមានអារម្មណ៍មិនល្អ នៅពេលដែលត្រូវ ឲ្យនរណាម្នាក់ឃើញពីអវយវៈភេទរបស់ខ្លួន ដែលខិតខំហួងហែងលាក់បាំង អស់រយៈពេលជាយូរមកហើយនោះ។សូម្បីតែនៅពេលដែលមានការរួមភេទលើកដំបូង ជាមួយមនុស្សដែលខ្លួនស្រឡាញ់ក៏ដោយ កុំថាឡើយទៅឲ្យគ្រូពេទ្យពិនិត្យ។ ដូចនេះសុភាពនារីទាំងអស់ត្រូវកាត់កេរ្តិ៍កាត់ខ្មាសទៅឲ្យគ្រូពេទ្យពិនិត្យដើម្បីសុខភាព។ បើគ្រូពេទ្យនោះជាស្ត្រីដូចគ្នាប្រហែលជាការអៀនខ្មាស់អាចកាត់បន្ថយបានខ្លះ ផ្ទុយទៅវិញបើគ្រូពេទ្យជាបុរសនោះប្រាកដជាមិនអាចបរិយាយពីអារម្មបានទេ។ តទៅនេះ គឺជាប្រការគួរត្រៀមខ្លួនមួយចំនួនសម្រាប់ស្ត្រី មុនពេលទៅជួបគ្រូពេទ្យ។ ៖

ការត្រៀមចិត្ត៖ កុំខ្មាសឲ្យសោះ ត្រូវប្រកាន់ទស្សនៈថាមុខក្រាស់ដើម្បីសុខភាព ហើយគ្រូពេទ្យ ក៏មានក្រមសីលធម៌ច្បាស់លាស់ មិនអាចធ្វើអ្វីបំពានទៅលើអ្នកជម្ងឺបានទេ។
បន្ទោរបង់ឲ្យបានរួចរាល់៖ សុភាពនារីទាំងអស់ត្រូវបន្ទោរបង់តូច ឬធំឲ្យរួចរាល់ ដើម្បីកុំឲ្យមានការរំខានដល់ការពិនិត្យរបស់គ្រូពេទ្យ។
ការចងចាំ៖ គ្រប់ស្ត្រីទាំងអស់នៅពេលទៅជួបគ្រូពេទ្យ ចាំបាច់ត្រូវចងចាំពីស្ថានភាពរដូវរបស់ខ្លួន ដូចជាមានការឈឺចាប់ឬអត់ រដូវមកតិចឬច្រើន ទៀងទាត់ឬអត់ រដូវចុងក្រោយនៅពេលណា មានធ្លាក់សឬទេ ធ្លាប់រលូតឬរំលូតកូនឬទេ សម្រាលដោយវះកាត់ ឬតាមធម្មតាជាដើម។ ជាពិេសសទៅទៀតនោះ បើមានឯកសារពិនិត្យ និងប្រវត្តិជម្ងឺពីមុនមក ត្រូវប្រមូលទៅជាមួយដើម្បីងាយស្រួលធ្វើរោគវិនិច្ឆ័យ។
ផ្អាក៖ ដើម្បីឲ្យលទ្ធផលពិនិត្យល្អ និងច្បាស់លាស់ គួរគប្បីផ្អាកការរួមភេទយ៉ាងហោចណាស់ក៏មួយយប់មុនពេលទៅជួបគ្រូ ពេទ្យ ហើយក៏មិនត្រូវប្រើថ្នាំសុល ឬស៊កថ្នាំអ្វីផេ្សង ទៅក្នុងទ្វារមាសក្នុងរយៈពេលបីថ្ងៃមុនពិនិត្យ ព្រោះអាចធ្វើឲ្យលទ្ធផលនៃការពិនិត្យថ្លោះធ្លោយ មិនចំទិសដៅ និងមិនច្បាស់លាស់។
សម្លៀកបំពាក់៖ គ្រប់ស្ត្រីទាំងអស់ នៅពេលទៅជួបគ្រូពេទ្យគប្បីស្លៀកសំពត់ប្រសើរជាងស្លៀកខោ ព្រោះអាចបង្កការងាយស្រួលដល់ការពិនិត្យ។ ជាងនេះទៅទៀតត្រូវធ្វើអនាម័យឲ្យស្អាតបាតត្រឹមត្រូវ ចៀសវាងនាំក្លិនមិនល្អទៅជួបគ្រូពេទ្យ។

ចំណុចដែលលើកមកជម្រាបជូនខាងលើនេះយើងខ្ញុំសង្ឃឹមថានឹងក្លាយជា ជំនួយផ្នែកស្មារតីដល់សុភាពនារីទាំងឡាយ ក្នុងការទៅរកគូរពេទ្យរោគស្ត្រី និងប្រការគួរយល់ដឹងមួយចំនួនដែលចាំបាច់សម្រាប់ថែរក្សាសុខភាព។

(ដកស្រង់ចេញពីទស្សនាវដ្តីសុខភាពយើងលេខ០២២)

29 June 2009

ចែកម្ជុលសារ៉ាងដល់អ្នកប្រើប្រាស់ថ្នាំញៀន

ខ្ញុំបានទទួលសំណួរមួយដែលផ្ញើមកខ្ញុំថ្មីៗនេះគឺគួរឲ្យចាប់អារម្មណ៍ខ្លាំងណាស់ ហើយ អាចឲ្យខ្ញុំ បានពន្យល់ពីសេវាដ៏ចំាបាច់មួយ ដែលមាននៅក្នុងប្រទេសកម្ពុជា សម្រាប់ ការបង្ការមេរោគអេដស៍។
សំណួរនោះគឺៈ "ខ្ញុំបានឃើញបុគ្គលិករបស់អង្គការមិនមែនរដ្ឋាភិបាលដើរចែក ម្ជុល និងសឺរ៉ាងនៅតាមផ្លូវក្នុងទីក្រុងភ្នំពេញ ទៅឲ្យអ្នកប្រើប្រាស់ថ្នាំញៀន។ ហេតុអ្វី បានជាពួកគេធ្វើយ៉ាងនេះ ក្នុងពេលដែលវាបានលើកទឹកចិត្តដល់ការប្រើប្រាស់ ថ្នាំញៀន?
ថ្មីៗនេះ នៅក្នុងប្រទេសកម្ពុជា មានកម្មវិធីពីរ ដែលធ្វើការផ្តល់ម្ជុល និងសឺរ៉ាងទៅដល់អ្នក ចាក់ថ្នាំញៀននៅតាមផ្លូវក្នុងទីក្រុងភ្នំពេញ។ គេបានហៅកម្មវិធីនេះ ថា " កម្មវិធីម្ជុលសឺរ៉ាង ឬ NSP " ដោយវាបានចាប់ដំណើរការទៅក្រោមច្បាប់អនុញ្ញាតពិសេស ពីអាជ្ញាធរជាតិ ប្រយុទ្ធនឹងថ្នាំញៀន។

ហេតុអ្វីបានជារាជរដ្ឋាភិបាលផ្តល់ការអនុញ្ញាត ឲ្យមានសកម្មភាព ទាំងនេះកើតឡើង? ដើម្បីឆ្លើយនឹងសំណួរនេះ វាជាការ សំខាន់ណាស់ដែលត្រូវយល់ដឹង ពីគ្រោះថ្នាក់នៃការ ចាក់ថ្នាំញៀន ដែលនាំទៅរកការឆ្លងមេរោគអេដស៍ និងឥទ្ធិពលរបស់វា ដែលផ្តល់មក សហគមន៍ និងសង្គមទាំងមូល។

មិនទាន់មានចំនួនច្បាស់លាស់ នៃអ្នកប្រើប្រាស់ថ្នាំញៀននៅក្នុងប្រទេសកម្ពុជានោះទេ ពីព្រោះពេលខ្លះ អ្នកប្រើថ្នាំញៀន បានជ្រើសរើសវិធីប្រើថ្នាំញៀន ដោយការចាក់ថ្នាំដោយ ម្ជុល និងសឺរ៉ាងចូលទៅក្នុងសរសៃឈាម របស់ពួកគេ ដែលនេះត្រូវគេស្គាល់ថា គឺជាការចាក់ថ្នាំញៀនតាមសរសៃឈាម។ ប្រសិនបើអ្នកចាក់ថ្នាំញៀនទទួលបានម្ជុល និងសឺរ៉ាងស្អាត សម្រាប់ប្រើប្រាស់ដោយខ្លួនគេផ្ទាល់ ភាពប្រឈមមុខនឹងការឆ្លងមេរោគ តាមសរសៃឈាម នឹងមិនកើតមាននោះឡើយ។ ក៏ប៉ុន្តែប្រសិនបើពួកគេ មិនទទួលបាន ម្ជុល និងសឺរ៉ាងស្អាត សម្រាប់ការប្រើប្រាស់ឲ្យបានទៀងទាត់នោះ អ្នកចាក់ថ្នាំញៀន នឹង អាចចែករំលែកវាជាមួយអ្នកឯទៀត ឬក៏អាចប្រើម្ជុល និងសឺរ៉ាងចាស់ៗ ដែលពួកគេមិន ដឹងថាតើនរណាបានប្រើម្ជុល និងសឺរ៉ាងនោះពីមុនមកឡើយ។ នៅពេលរឿងនេះកើត ឡើងអ្នកដែលចាក់ថ្នាំញៀន នឹងដាក់ខ្លួនគេឲ្យស្ថិតក្នុងសភាពគ្រោះថ្នាក់ យ៉ាងសម្បើម ពីព្រោះប្រសិនបើអ្នកដែលបានប្រើម្ជុល និងសឺរ៉ាងពីមុន មានឆ្លងមេរោគ អេដស៍នោះ គេនឹងប្រឈមមុខខ្ពស់នឹងឆ្លងមេរោគអេដស៍ ដោយគេបានចាក់បញ្ចូលឈាមដែលមាន មេរោគសល់នៅក្នុងសឺរ៉ាងចូលទៅក្នុងរាងកាយរបស់គេ នៅពេលដែលគេចាក់ថ្នាំញៀន។
នេះត្រូវបានគេស្គាល់ថា ជាការឆ្លងតាមរយៈឈាម និងឈាម ដែលជាមធ្យោបាយមួយ ដ៏មានប្រសិទ្ធភាព បំផុតសម្រាប់ការចម្លងមេរោគអេដស៍ពីមនុស្សម្នាក់ទៅមនុស្សម្នាក់ ក្នុងចំណោមអ្នកដែលចាក់ថ្នាំញៀនហើយប្រការនេះគឺមានគ្រោះថ្នាក់ជាទីបំផុត។ តាមរបាយការណ៍ពីមុនមកនេះ បានប៉ាន់ស្មាថា អ្នកដែលចាក់ថ្នាំញៀនជាប្រចាំនៅក្នុង ក្រុងភ្នំពេញមានអត្រាឆ្លងមេរោគអេដស៍ និងជំងឺអេដស៍ក្នុងចន្លោះពី ២៥% ទៅ ៣៥%។ នេះជាអត្រា មួយគួរឲ្យព្រួយបារម្ភ។

អ្នកឃើញហើយថា វាជាប្រការមួយគ្រោះថ្នាក់ខ្លាំងណាស់សម្រាប់អ្នកប្រើប្រាស់ ថ្នាំញៀន ប៉ុន្តែវាក៏បង្ករគ្រោះថ្នាក់មកដល់សង្គមយ៉ាងធំធេងផងដែរ ពីព្រោះអ្នកចាក់ថ្នាំញៀន ក៏មានទំនាក់ទំនងរួមភេទ ជាមួយអ្នកដទៃទៀតដូច ជាប្តី ប្រពន្ធ គូរកំណាន់ចិត្ត និងដៃគូ ម្តងម្កាល ក្នុងនោះគឺស្ត្រីបំរើសេវាផ្លូវភេទ។ ប្រទេសជាច្រើននៅក្នុងពិភពលោក ដែលមាន ចំនួនប្រជាជនឆ្លងមេរោគអេដស៍ និយាយថា ការឆ្លងរីករាលដាល ឥឡូវគឺមានតាមរយៈ ប្រយោល និងមិនប្រយោលនៅពេលប្រើថ្នាំញៀន ហើយដោយហេតុនេះ វាបានឆ្លងក្នុង កម្រិតមួយខ្ពស់ ក្នុងចំណោមអ្នកចាក់ថ្នាំញៀនដែលអាចបង្ករការឆ្លង ដល់មនុស្សទូទៅ ទៀតផង។ ហេតុផលនេះហើយ ដែលវាការចាំបាច់មួយដើម្បីផ្តល់ម្ជុល និងសឺរ៉ាងស្អាត ទៅអ្នកដែលប្រើប្រាស់ថ្នាំញៀនពីព្រោះ វាការពារអ្នកទាំងអស់គ្នា។ តើការផ្តល់ម្ជុល និងសឺរ៉ាងទៅអ្នកប្រើថ្នាំញៀននឹងលើកទឹកចិត្តឲ្យ មានការប្រើប្រាស់ថ្នាំញៀនដែរឬទេ? ជឿខ្ញុំចុះអង្គការ ដែលធ្វើការងារនេះ គេមានការប្រុងប្រយ័ត្នខ្លាំងណាស់ ដើម្បីធានាថា ពួកគេគ្រាន់តែផ្តល់សេវាកម្មនេះ ទៅឲ្យអ្នកដែលកំពុងចាក់ថ្នាំញៀន។ អ្នកប្រើគ្រឿង ញៀន អាចនឹងប្រើថ្នាំញៀន ដោយមិនគិតពីសេវាកម្មនេះ ដែលជារឿយៗ មធ្យោបាយប្រើ របស់គេមិនសូវមានសុវត្ថិភាព។